Stickerei: Ahnetänzli (war Inspiration zum Lied)
Lied hören
Demoversion März 2025
Lied & Stimme: Margrit Egger
Arrangement, Charango & Tonaufnahme: Cali Flores
Aufgenommen in: Cumbé Records Zürich
Songtext
Fürschtaifrau
(Margrit Egger, 2022)
Si isch schattehalb is Läbe ghait,
ine Tanse voll mit Milch.
Wo si use chunnt isch a erem Fuess
en rässe Winterchäs.
Si isch schattehalb is Läbe ghait,
ine Zaine voll mit Zunder.
Wo si use chunnt isch i erem Buch
än Fürschtai und en Hammer.
So läbt si a dem Schattehang
imne Huus us Chäs und Zunder
und spait wenn d Schätte z dunggel sind
chli Fungge usem Buch.
Scho glii druf abe züngled Flamme,
Funggeräge rot dör d Nacht,
Wänd wo schmelzed,
Fäde zöched,
s schmörzeled und chlöpft und täscht.
Und si zmitzt drin am dirigiere
molt es Bild us Chäs und Füür,
lot goldigbruni Chruschte wachse,
rässi gäli Fädenetz.
Wenn vom Huus denn nüt me ume isch,
ninnt si eri Tanse Milch,
goht öbere zom nögschte Boord,
fangt aimol meh vo vorne a.
Drum weni schattehalb go laufe go
und rässi Chässkulpture gseh,
denn dengg i a di Fürschtaifrau,
i hoff, es goht der guet.
