mengmol
gsehsch ä Tränä
dä Baumschtamm dörab
d’Schramä blüätät
d’Rindä väletzt
liislig tränts witer
dä Furchä no
und wenn öppis drunder chunnt
blibt’s chläbä dra
mengmol
wenn d’Ziit schtimmt
und noch mengä Johr
wird usäm Honigtropfä
än lüchtigä Schtai
i sich inä hätt er
Gschichtä
Strandguät vom Läbä
woner jedem wo gern zuelost
witer verzellt
und jetzt hani di do
veschpillt schlicht i minä Händ
luägä dis goldigä Lüchtä a
und bi gschpannt druff z’ghörä
wass’d mer vezellsch
mengmol gsehsch ä Tränä
dä Baumschtamm dörab
si vewandlät sich
no dis no
inän Bärnschtai
Übersetzung
–> siehe Lied «ámbar». Zwei Lieder erzählen dieselbe Geschichte; einmal Spanisch, einmal Schweizerdeutsch. Gleich und doch ganz anders.
Text & Melodie: Margrit Egger
Arrangements: Cali Flores
Stimme: Margrit Egger
Gitarre: Coco Vega
Bass: Omar Rojas
Perkussion: Cali Flores
Klarinette: Karlhos Misajel
